Lei N.º 6/2008 16 Abril Rezime jurídiku finansiamentu partidu



Baixar 29.73 Kb.
Encontro27.01.2019
Tamanho29.73 Kb.




Lei N.º 6/2008

16 Abril
Rezime jurídiku finansiamentu partidu
Móris iha ambiente pulítiku-partidária sei buat ida ne’ebé maka foun no hasoru ho difikuldade barak liu tan tamba Timor-Leste foin maka sai la-kleur husi okupasaun militar ida ne’ebé brutal teb-tebes no husik hela markas ho dimensaun no profundidade ne’ebé neneik maka sei komprende didiak liu.
Tamba sidauk iha kultura demokrátika, ho markas husi violénsia no fraksionamentu sosial ne’ebé iha, difikulta liu tan maneira atu institusionaliza vida partidária. Sira ne’e hotu, agrava liu tan tamba falta de finansiamentu iha partidu pulítiku sira, halo difisil tebes atu garante institusionalizasaun bele sai realidade no vida demokrátika mos bele moris iha partidu nia laran rasik.
Partidus sira moris ho limitasoins no obstákulus oin-oin, ho deit kontribuisaun husi sira nia membrus sira no ida ne’e reflete realidade iha país ne’e.
Hodi dehan mos katak, Estadu, hodi kumpri saida maka Konstituisaun Repúblika haruka, ajuda kria kondisaun mínima, atu nune’e bele iha funsionamentu regular ba partidus pulítikus sira ne’ebé maka hatudu tia ona iha urnas katak iha duni reprezentatividade popular ruma, iha altura ne’ebé maka rai ida ne’e komesa iha ona kapasidade finanseira balun ne’ebé antes nia laiha.
Parlamentu Nasional dekreta, tuir alínea 19 husi nº 2 artigu 95º Konstituisaun Repúblika nian, atu hetan kbit hanesan lei, sira tuir mai ne’e:
Kapítulu I

Finansiamentu Partidus Pulítikus
Artigu 1º

Ámbitu
Lei ida ne’e define rejime jurídiku finansiamentu no aprezentasaun kontas ba partidus pulítikus sira ne’ebé maka iha reprezentasaun iha parlamentu.
Artigu 2º

Prinsípius Jerais
Finansiamentu ba partidus pulítikus sira no kampañas eleisoins halo tuir prinsípius jerais sira hanesan tuir mai ne’e:

  1. Legalidade;

  2. Iha transparénsia kona ba oríjen no aplikasaun husi finansiamentu sira ne’e.

  3. Aprezenta, fiskaliza no publika kontas.


Artigu 3º

Organizasaun kontabilísikta


  1. Partidu pulítiku sira tenki iha kontabilidade ida ne’e maka organizada, atu nune’e bele fasil atu hatene sira nia situasaun finanseira no verifika katak sira halo tuir saida maka lei haruka.

  2. Konta partidu sira nian tenki obdese ba regras jerais kontabilidade nian no tennki iha mos, espesialmente:

    1. Inventáriu anual ba patrimóniu partidu nian hanesan sasán imóvel no móvel tenki rejista hotu;

    2. Tenki fahe lolós reseitas sira tuir ida-idak nia kategoria;

    3. Despezas sira mos tenki fahe tuir kategorias sira tuir mai ne’e:

      1. Despezas ba pesoal (ema);

      2. Despezas ba hola bens (sasán) no servisus;

      3. Enkargus finanseirus (kustu) husi empréstimus;

      4. Despezas sira seluk kona ba atividades partidu pulítiku nian.

    4. Fahe mós operasoins kapitais tuir:

      1. Investimentus;

      2. Devedores no kredores


Artigu 4º

Reseitas


  1. Reseitas husi partidu sira nian bele fahe ba reseitas rasik (próprias), reseitas mai husi finansiamentu privadu no subvensoins públikas, tuir regras ne’ebe hatúr iha diploma ida ne’e.

  2. Reseitas rásik maka hanesan:

    1. Kuotas no kontribuisoins husi membrus partidu pulítikus;

    2. Verbas (osan) ne’ebé hetan husi atividades angariasaun fundus ne’ebé partidus pulítikus sira halo;

    3. Rendimentu ne’ebé mai husi Partidus Pulítikus sira nia patrimóniu;

    4. Verbas ne’ebé hetan husi instituisoins kréditus sira ne’ebé maka hamrik (eziste) iha rai-laran.

  3. Reseitas husi finansiamentu privadu maka hanesan:

    1. Kontribuisaun husi ema (pesoa) singular husi rai-laran nian;

    2. Produtu eransa no legadu.

  4. Subvensoins públikas maka dotasaun orsamental ne’ebé fahe ba partidus pulítikus sira ne’ebé iha reprezentasaun parlamentar, tuir saida maka hatur iha lei ida ne’e.

  5. Bandu atu hetan reseitas husi fonte sira ne’ebé maka la temi iha númerus sira foin liu ba ne’e no bandu mós kontribuisaun mai husi ema (pesoa) koletivas husi rai-laran no ema singular no koletiva husi rai-liur.


Artigu 5º

Kuotas no kontribuisoins sira seluk husi membrus partidu pulítiku


  1. Kuotas no kontribuisoins sira seluk husi membrus partidu pulítiku tenki iha resibu, ne’ebé, nia orijinal ne’e entrega ba ida ne’ebé fo kontribuisaun (kontribuente), no nia duplikadu arkiva tia iha rejistu kontabilístiku partidu nian.

  2. Se partidu pulítiku iha konta bankária espesífika ruma hodi depozita pagamentu kuota no kontribuisoins sira seluk, entaun bele hatama osan liu husi transferénsia ka depózitu bankáriu no presiza deit ona extratu konta ka talaun depózitu nian nudar prova.


Artigu 6º

Verbas ne’ebé mai husi angariasaun fundus
Verbas (osan) ne’ebé maka mai husi atividades angariasaun fundus partidu pulítiku nian tenki fahe tuir atividade ida-idak, fatin no data ka períodu realizasaun.
Artigu 7º

Rendimentu husi patrimóniu partidu pulítiku nian
Rendimentus hirak ne’ebé maka mai husi patrimóniu partidu pulítiku sira nian tenki prova liu husi dokumentus komprovativus kona ba valor no oríjen husi rendimentu ne’e rasik.
Artigu 8º

Empréstimu
Verbas sira ne’ebé maka hetan husi empréstimu husi instituisoins kréditus sira ne’ebé harí iha rai-laran tenki prova liu husi dokumentu ruma ne’ebé instituisaun ne’e rasik maka hasai.
Artigu 9º

Kontribuisaun husi ema singular rai-laran nian
Kontribuisaun ne’ebé mai husi ema singular rai-laran nian ne’ebé maka liu ona husi 1000 USD (mil dolares amerikánus) tenki prova liu husi xeke bankáriu, no kontribuisoins sira seluk tenki hakerek mós iha dokumentu eskritu ruma ne’ebé assina husi ida ne’ebé fo kontribuisaun no funsionáriu partidu ida ne’ebé maka simu kontribuisaun no indika mós ho nia montante.
Artigu 10º

Produtu eransa ka legadu
Produtu eransa ka legadu sira tenki prova liu husi dokumentu komprovativu husi valor no oríjen produtu ne’e rasik.
Artigu 11º

Subvensaun públika


  1. Parlamentu nasional maka deside anualmente montante global subvensaun públika ne’ebé fó ba partidus pulítikus sira ne’ebé ho reprezentasaun iha parlamentu, no hakerek iha orsamentu jeral estadu ho rúbrika espesífika ne’ebé hateten katak atu tau iha orsamentu Komisaun Nasional Eleisoins nian, tuir mai sei temi deit naran CNE.

  2. Husi valor total subvensaun ne’e, 50% sei fahe hanesan ba partidus pulítikus hotu ne’ebé maka hetan reprezentasaun parlamentar, no nia restu 50% fahe tuir reprezentasaun proporsional partidus pulítikus sira nian.


Artigu 12º

Despezas
Halo pagamentu ba kualker desepezas partidu nian tenki halo uza dokumentu ruma hodi ajuda hatene lolós montante nomós entidade ne’ebé maka hetan pagamentu ne’e.
Artigu 13º

Aprezentasaun ordinária kontas nian


  1. Aprezentasaun diskriminada husi kontas partidus pulítikus, tuir ne’ebé hatúr iha artigu 3º, tenki halo ordinariamente tó loron 45 antes tinan finanseiru nian remata, akompaña ho pareser husi órgaun ne’ebé kompetente tuir nia estatutu atu halo pareser ida ne’e.

  2. CNE maka iha kompeténsia atu halo apresiasaun no validasaun ba kontas ne’ebé partidus pulítikus sira aprezenta, no halo liu husi nia auditores rasik ka kontratadus sira.


Artigu 14º

Responsabilidade ba aprezentasaun kontas
Atu elabora no aprezenta partidus pulítikus sira nia konta ne’e responsabilidade husi orgaun ne’ebé kompetente tuir estatutu.
Artigu 15º

Dever atu kolabora
Partidus pulítikus sira tenki kolabora ho CNE no nia auditores sira atu kumpri nia kompeténsia hodi halo apresiasaun ba kontas.
Artigu 16º

Apresiasaun kontas


  1. Husu pareseres téknikus ba nia auditores sira kona ba legalidade kontas, iha loron lima nia laran, depois prazu aprezentasaun ne’e remata, no publika, liu husi orgaun komunikasaun sosial, naran husi partidus sira ne’ebé maka la aprezenta sira nia kontas.

  2. CNE nia auditores sira bele husu ba partidus pulítikus sira atu fó hotu elementus ne’ebé sira presija hodi prepara pareser ne’ebé maka temi iha númeru ida foin liu ba ne’e, tó loron 30 depois de husu tia elementus sira ne’e, hodi halo apresiasaun ida ida (individualizada) ba kontas ne’ebé aprezenta husi kada partidu pulítiku.

  3. Depois simu tiha pareser ne’ebé maka temi iha númeru 1 no karik deteta indísius iregularidade ruma iha kontas, sei fó hatene ba partidus pulítikus sira atu aprezenta fali kontas ne’ebé regularizada iha prazu loron 10 nia laran.

  4. CNE halo apresiasaun ba kontas sira bazeia ba pareser tekniku ne’ebé maka temi iha númerus sira foin liu ba ne’e no bazeia mós iha elementus hotu-hotu ne’ebé maka konsidera nudar relevante.


Artigu 17º

Desizaun final


  1. CNE halo apresiasaun ba kontas sira ne’ebé aprezenta iha prazu loron 20 nia laran konta husi loron ne’ebé maka CNE simu pareser husi nia auditores sira.

  2. Kona ba apresiasaun final ninian, além de separa/diskrimina kontas ne’ebé maka kada partidu aprezenta, tenki indika mos se se maka la aprezenta nia kontas no se se maka aprezenta duni kontas no hetan ona notifikasaun atu regulariza nia kontas mas la halo.

  3. CNE fó orden hodi publika kontas no tuir mai halo kedas apresiasaun final sobre kontas sira ne’e.

  4. Kontas no desizaun final kona ba kontas sira ne’e rasik, publika gratuitamente iha Jornal da República no tau mós iha CNE nia website ofisial iha internet.

  5. Kuandu husi CNE nia apresiasaun ne’e maka to ikus verifika katak iha inkumprimentu ruma ba obrigasaun ne’ebé hatur iha diploma ida ne’e ne’ebé bele hetan kástigu ho multa ka tama prizaun, sei haruka dada sai tiha sertidaun sira ne’ebé maka hatama ba Prokurador Jeral Repúblika atu nune’e bele instaura prosesu kompetente sira.


Artigu 18º

Izensaun taxas, preparus no kustus judisiais


  1. Partidus pulítikus sira hetan izensaun ba taxas, preparus no kustus judisiais.

  2. Izensaun sira ne’ebé maka temi iha númeru ida foin liu ba ne’e la abranje atividades ekonómikas ho natureza emprezarial.

  3. Izensaun sira sei suspende tiha hotu kuandu partidu pulítiku ruma la aprezenta kandidatura ba eleisaun Parlamentu Nasional ka kuandu la aprezenta konta anual, no sei hetan fila fali izensaun sira ne’e kuandu aprezenta fali ona kontas anuais ka aprezenta fali ona kandidatura ba eleisaun parlamentu nasional nian.

  4. Inísiu ba suspende izensaun sira, komesa halo efeitu husi loron eleisaun ne’ebé refere bá ka iha loron ida tuir mai hafoin hetan komunikasaun husi CNE ba partidus sira ne’ebé maka la aprezenta kontas.


Kapítulu II

Ilísitus
Artigu 19º

Tribunal kompetente
Kompete ba juiz distrital ida ne’ebé iha jurisdisaun ba área ne’ebé maka akontese ilísitu (hahalok naksalak) ruma atu julga ilísitus ne’ebé prevé iha lei ida ne’e iha prosesu ne’ebé maka instrui husi Ministériu Públiku, ho rekursu ba Supremu Tribunal Justisa.
Artigu 20º

Sansaun
Sira ne’ebé maka la kumpri regras ligadu ba finansiamentu no aprezentasaun kontas partidus pulítikus, sei hetan sansaun tuir saida maka prevé iha kapítulu ida ne’e, sein prejudika fali responsabilidade sivil ka penal ne’ebé maka hatur ona tuir termus jerais husi direitu.
Artigu 21º

Inkumprimentu ba regras husi kontabilidade organizada


  1. Partidu pulítiku ida ne’ebé maka la iha kontabilidade ida ne’ebé organizada, hetan multa 1500 USD (Dolar amerikanu rihun ida atus lima) tó 15000 USD (Dolar amerikanu rihun sanulu resin lima).

  2. Partidu pulítiku ne’ebé maka iha ona kontabilidade ida ne’ebé organizada, mas la kumpre formalidade sira ne’ebé maka temi iha nº 2 husi artigu 3º, artigu 5º tó 10º no artigu 12º sei hetan multa 1500 USD (Dolar amerikanu rihun ida atus lima) to 5000 USD (Dolar amérikanu rihun lima).


Artigu 22º

La aprezenta kontas
Partidu pulítiku ne’ebé maka la aprezenta kontas ka, hetan ona notifikasaun atu regulariza nia konta mas la halo tuir prazu ne’ebé prevé ona hetan multa 2000 (Dolar amerikanu rihun rua) no sei lakon kumulativamente direitu atu hetan subvensaun husi estadu.
Artigu 23º

Hetan reseita ne’ebé ilísita
Dirijentes partidus pulítikus, ema (pessoa) singular no administradores no jerentes husi ema (pessoa) koletiva ne’bé maka envolve-an pessoalmente hodi hetan reseitas ne’ebé maka lei bandu (ilísitas9 atu hetan benefísiu ba partidu pulítiku balun, hetan kastigu prizaun fulan 6 ba tó tinan rua ka hetan multa 500 USD (Dolar amerikanu atus lima) tó 5000 USD (Dolar amerikanu rihun lima).
Artigu 24º

La kumpri obrigasaun sira seluk
Se maka la kumpri kualker obrigasaun sira seluk ne’ebé maka temi iha lei ida ne’e, no laiha dispozisaun legal ruma aplika ba ida ne’e, hetan prizaun tinan 1 no multa 500 USD (Dolar amerikanu atus lima).
Kapítulu III

Dispozisoins finais no tranzitórias
Artigu 25º

Tribunal kompetente
Enkuantu Supremu Tribunal Justisa la hahú halao nia funsaun sira, nia kompeténsias hirak ne’ebé maka hatur iha diploma ida ne’e sei ezerse husi Tribunal Rekursu.
Artigu 26º

Entrada ein vigor
Lei ida ne’e komesa tama ba vigór loron 30 tuir mai, hafoin nia publikasaun iha Jornal da República.
Aprova ona iha loron 5 fulan Janéiru 2008.
Prezidente Parlamentu Nasional em susbstituisaun,


Vicente da Silva Guterres

Promulga ona iha loron 19 fulan Marsu 2008

Ba publika.

Prezidente Repúblika Interínu,




Fernando La Sama Araújo





IFES – Fundasaun Internasional ba Sistema Eleitoral



Baixar 29.73 Kb.

Compartilhe com seus amigos:




©bemvin.org 2020
enviar mensagem

    Página principal
Prefeitura municipal
santa catarina
Universidade federal
prefeitura municipal
pregão presencial
universidade federal
outras providências
processo seletivo
catarina prefeitura
minas gerais
secretaria municipal
CÂmara municipal
ensino fundamental
ensino médio
concurso público
catarina município
reunião ordinária
Dispõe sobre
Serviço público
câmara municipal
público federal
Processo seletivo
processo licitatório
educaçÃo universidade
seletivo simplificado
Secretaria municipal
sessão ordinária
ensino superior
Universidade estadual
Relatório técnico
Conselho municipal
técnico científico
direitos humanos
científico período
pregão eletrônico
Curriculum vitae
espírito santo
Sequência didática
Quarta feira
conselho municipal
prefeito municipal
distrito federal
língua portuguesa
nossa senhora
educaçÃo secretaria
Pregão presencial
segunda feira
recursos humanos
educaçÃO ciência
Terça feira
agricultura familiar