Hadi’a siguransa ai-han liu husi hasa’e produtividade ai-han prinsipál’


Testu no Demonstrasaun Batar iha To’os (OFDT) 2010-2011



Baixar 9.05 Mb.
Página4/13
Encontro30.10.2016
Tamanho9.05 Mb.
1   2   3   4   5   6   7   8   9   ...   13

2.1.2 Testu no Demonstrasaun Batar iha To’os (OFDT) 2010-2011


Iha tempu udan tinan 2010-2011, estabelese Fatin Testu no Demonstrasaun Iha To’os (OFDTs) iha sub-distritu 13 iha Timor-Leste hodi koko karik varidade foun bele hatudu rezultadu diak liu varidade lokál iha agrikultór sira-nia to’os ka lae, liu husi prátika no kondisaun agronomia lokál. Varidade foun ne’ebé koko hili husi peskiza ne’ebé halo antes iha Sentru Peskiza haat iha Timor Leste no nia kritériu mak batar tenke kór mutin, funan lívre (bersari bebas), iha rezisténsia ba kumbang bubuk (downy mildew), no iha rezisténsia ba fuhuk. Batar mutin kuaze hatudu rezultadu diak iha parte osidentál husi teritóriu nia laran, no iha preferénsia ne’ebé hanesan ho batar kinur iha parte leste. Populasaun batar ne’ebé hanaran P07Har12 koko tiha ona hamutuk ho varidade batar kinur (Sele) ne’ebé lansa husi MAP hanesan lokál check. P07Har12 núdar varidade ne’ebé lansa husi Central Mindanao University ho naran CMU Var 12. P07Har12 núdar populasaun batar jerasaun terseiru ne’ebé kruza entre P07 ho populasaun batar ida naran Har 12 (naran kompletu: V036=PopDMRSRE (MOZ) F2) husi CIMMYT Zimbabwe.

Materiais no métodu

Estabelese ona total fatin OFDTs 102 iha Zona Agro-Ekolojikál hotu-hotu iha Timor-Leste, hamutuk iha Sub-Distritu 13 husi Distritu Aileu, Ainaro, Baucau, Bobonaro, Liquiça, Manufahi ho Viqueque. Iha peskizadór nain ida ka rua mak serbisu iha kada Sub-Distritu no sira-nia tárjet mak ida-ida tenke estabelese fatin OFDTs batar hamutuk 15. Tempu kuda iha tinan 2010/11 kuaze difisil, partikularmente ba ai-horis batar, tanba udan boot kontinua tau iha area barak iha teritóriu tomak durante tempu bailoro liu ba. Kondisaun la favorese atu kuda batar no halo failansu akontese iha fatin barak. Husi fatin OFDTs 102 ne’ebé estabelese, iha 86 mak hetan koileta ho susesu ba kada varidade oin 4 ne’ebé koko.

Peskizadór idaidak uza sira-nia kontaktu rasik hodi identifika agrikultór sira ne’ebé hakarak atu partisipa. Maneira ida ne’e dalabarak halo liu husi konsultasaun Chefe de Suco, estensionista MAP no staff sira seluk, ou liu husi agrikultór ne’ebé koñese malu ona ho staff sira.

Staff MAP sira esplika ba agrikultór katak programa SoL la’os atu fahe fini ka adubu, maibe nia objetivu atu koko deit varidade foun. Esplika ho didiak no kuidadu ba agrikultór sira katak avaliasaun núdar faze ida husi peskiza no sira la hatene loloos oinsa rezultadu husi varidade hirak ne’e iha sira-nia to’os. Fini ne’ebé fó ba agrikultór sira iha kuantidade ne’ebé limitadu no kuda deit iha area ho medida kikoan (5m x 5m) husi kada varidade.

Peskizadór sira fahe fini husi varidade batar ne’ebé atu koko iha pakote 200g ba agrikultór sira. Varidade lokál ne’ebé sira kuda hamutuk ho varidade foun ne’ebé atu koko iha sira-nia to’os hili diretamente husi agrikultór ne’e rasik, no jeralmente hanesan batar boot ou batar normal ne’ebé baibain agrikultór sira kuda iha sira-nia to’os. Varidade lokál ne’e aranja rasik duni husi agrikultór sira, tanba ne’e kuaze úniku uitoan ou iha variasaun husi varidade lokál iha fatin testu idaidak.

Kada fatin OFDT sukat ho tali ou au husi peskizadór sira atu nune’e kada varidade bele kuda iha area/kanteru ho luan 5m x 5m. Kanteru hirak ne’e prepara tutuir malu besik liña ninin husi to’os. Regras kona ba atu kuda oinsa iha kada fatin testu kuaze arbiru deit no laiha replikasaun.

Jeralmente, peskizadór sira marka prezénsia wainhira agrikultór sira atu hahu kuda. Ida ne’e mak objetivu maibe dalaruma labele akontese tanba númeru fatin ne’ebé peskizadór responsabiliza kuaze barak, maibe ba maioria fatin hotu-hotu kuaze realiza ho diak.

Médiu vizita ne’ebé halo husi peskizadór sira ba agrikultór sira-nia to’os mak dala neen hahu husi kuda to’o koileta. Iha kada vizita peskizadór sira rejista ou rekolla informasaun ne’ebé la hanesan kona ba OFDT.

Protokolu kona ba rekolla dadus ida ne’e atu haree no monitoriza progresu husi testu/demonstrasaun. Buat hirak ne’ebé sira sukat ou observa mak ai-horis nia aas, identifikasaun pesti no moras iha kada kanteru, namlaik no simtoma ai-horis sira seluk.

Iha tempu koileta, staff sira tetu batar nia todan bokon fulin husi kanteru hotu-hotu ne’ebé iha (25m2). Iha tempu ne’e staff sira foti sub-sample husi batar fulin 5 bokon, no musan husi fulin hirak ne’e mak behu no habai maran. Rásio husi musan maran ba todan bokon fulin uza hodi konvere total todan bokon fulin ba kuantidade todan musan iha kada kanteru, e depois konvere ba por hektár. Restante husi koileta ne’ebé iha agrikultór sira mak rai, staff sira lori deit mak sample ne’ebé foti para atu halo análiza.



Karaterizasaun fatin

Latitude, longitude, ho elevasaun rejista hotu husi fatin hotu-hotu uza 12 channel GPS receiver (Garmin ETrex) to’o nia presizaun (ketepatan) ± 6m. Aleinde ne’e, defini rai nia lolon iha kada fatin testu atu nune’e sai hanesan orientasaun husi fatin testu. Bazeia ba elevasaun no fatin, kada fatin aloka tuir Zona Agro-Ekolojikál partikulár (ZAE) (ARPAPET 1996). ZAE numeradu husi 1 to’o 6, hahu ho 1 iha fatin tetuk parte kosta de norte to’o 6 iha parte tetuk iha kosta de súl (Tabela 10).


Tabela 10. Definisaun husi zona agro-ekolojikál 6 iha Timor-Leste

ZAE

Fatin

Elevasaun

1

Northern coast

0-100m

2

Northern slopes

100-500

3

Northern uplands

>500m

4

Southern upland

>500m

5

Southern slopes

100-500

6

Southern coast

<100m

Rai iha fatin hotu-hotu ba OFDTs tinan 2010/11 koko nia pH uza Manutec test kits. Test kits ida ne’e dezeña para atu uza iha kampo. Iha ne’e staff sira rekolla sample komposit husi rai iha kada fatin testu/kanteru e depois táes uza rede/pinhera ho medida 2 mm para bele hasai tiha fatuk, rai kafuak no seluk tan. Rai ho kuantidade uitoan tau iha slide mutin e depois aumenta indikadór ba. Kahur hotu tiha rai ho indikadór ne’e, tau tan ho ahu mutin ba iha rai ho indikadór ne’ebé kahur malu tiha ona nia leten. Ahu mutin ne’e mak sei asumi kór husi indikadór, no valór pH identifika liu husi kompara kór ne’e ho kór standar ne’ebé iha papel (bagan warna) nia laran.


) uza métodu testu (field based ribbon test). Antes atu koko, táes uluk rai liman isin ida e depois aumenta bee para bele bola hanesan paun/bollus. Rai bokon ne’e forma hanesan bola kabuar, e depois tenta atu forma hanesan fita ho rai bokon ne’ebé iha. Fita nia naruk (iha cm) sukat no kompara ho tabela referénsia ne’ebé staff sira lori ba serbisu iha kampo, no abilidade atu forma letra U no modelu dosi donut ho fita sei uza hanesan indikadór profunda hodi deskreve rai nia testura.


Tabela 11. Determina karaterístika testura rai.

Testura

Deskrisaun

Fita nia naruk

Sandy/berpasir

Tanah dalam keadaan tidak lengket dan terpisah dan tanah hanya dapat diakumulasi atau dikumpulkan dalam bentuk piramida.

Nil

Sandy loam/Lempung berpasir

Tanah mengandung lumpur dan tanah liat yang secukupnya untuk menjadi lengket, dan dapat dibuat dalam bentuk bola retakan.

15-25 mm

Silty loam/Gelu lumpur

Sama seperti lempung berpasir, namun tanah tersebut dapat dibentuk dengan cara melinting/digulung ke bentuk yang kecil dengan silinder yang pendek. Tanah tersebut kalau diraba seperti “sutera”.

25 mm

Loam/Lempung

Mengandung jumlah/kadar pasir, lumpur serta tanah liat yang hampir sama jumlahnya. Dapat dilinting/digulung seperti silinder dengan ukuran 15cm panjangnya dan mudah pecah jika dibengkokkan/dimiringkan.

25 mm

Clay loam/Liat berlempung

Sama seperti tanah lempung, walaupun silindernya dibengkokkan seperti bentuk U (tanpa di paksa) maka itu tidak akan pecah.

40-50 mm

Fine clay/Gelu ringan

Tanah tipe ini silindernya dapat dibuat menjadi bentuk lingkaran, namun nampak sedikit retakan.

50-75 mm

Heavy clay/Liat padat

Tanah tipe ini silindernya dapat dibuat menjadi bentuk lingkaran, dan tidak menunjukkan retakan.

>75 mm

From Agricultural Compendium for Rural Development in the Tropics and Subtropics’ (1989) and B McDonald et al. (1990).
Análiza

Dadus husi protokolu priméiru hatama ba iha MS Excel spreadsheet database antes transfere ba análiza profunda iha GenStat Discovery Edition 3. Dadus rezultadu produsaun análiza uza ANOVA (Unbalanced Model) iha métodu oioin. Modelu husi análiza sempre inkluidu varidade ho ZAE hanesan fatór iha modelu wainhira fatór fatin seluk husi Distritu ho Sub-Distritu koko ona. Tanba elevasaun hatudu ona impaktu ba iha rezultadu produsaun ai-horis entre fatin, maka elevasaun inkluidu ona hanesan co-variate iha testu ba fatór oioin iha análiza.

Influénsia husi fatór oioin ba rezultadu produsaun batar koko tiha ona. Tanba ne’e, kada fatór aumenta ida-ida ba iha modelu. Karik signifikante, maka fatór ne’e mantein iha modelu, no karik la signifikante maka fatór ne’e hasai tiha. Wainhira identifika ona fatór ne’ebé signifikante, maka interasaun entre fatór ne’e ho varidade mos koko kona ba nia signifikánsia iha P = nível 0.05.

Rezultadu

Testu ambientál

Fatin OFDTs estabelese iha fatin ho elevasaun, testura rai, no pH oioin ne’ebé reprezenta kondisaun kuda ai-horis típiku iha Timor-Leste (Tabela 12). Fatin sira ne’e hahu husi parte tetuk tasi hanesan iha Viqueque to’o liu husi 1470m iha Aileu. Testu halo iha elevasaun ne’ebé ki’ik liu (<150m) kompara ho tinan hirak antes, no maioria fatin testu nia elevasaun mak entre 550 m ho 1150 m.



Tabela 12. Distribuisaun fatin OFDT batar tuir elevasaun, 2008 to’o 2011.

Elevasaun

(m)

Fatin 2008/09

(%)

Fatin 2009/10

(%)

Fatin 2010/11

(%)

0-150

27

28

34

150-350

15

14

6

350-550

12

10

4

550-750

12

11

12

750-950

12

15

13

950-1150

10

11

16

1150-1350

7

4

7

1350-1550

3

5

7

>1550

2

2

0

pH rai husi fatin testu hahu husi 5.5 to’o 8 ho médiu 6.7. (Tabela 13). Tinan ida ne’e laiha fatin testu ida mak hetan rai alkali ou ásidu ne’ebé makaas, ne’ebé tuir tendensia husi tinan hirak ikus ne’ebé aumenta númeru fatin testu iha fatin ho pH rai ne’ebé prefere liu. Ida ne’e sujere mai ita para atu hasa’e kapasidade peskizadór SoL nian hodi hili fatin ne’ebé adekuadu.

Tabela 13. Distribuisaun pH rai iha fatin OFDT batar 2008 to’o 2011.



pH rai

Fatin 2007/08

(%)

Fatin 2008/09

(%)

Fatin 2009/10

(%)

Fatin 2010/11

(%)

4.5

2

1

0

0

5

3

2

2

0

5.5

9

12

6

10

6

11

18

18

19

6.5

13

18

30

22

7

24

14

19

25

7.5

9

14

16

19

8

15

16

7

5

8.5

12

9

1

0

9

3

2

0

0

pH rai ho elevasaun kuaze estatistikamente diferente (Fprob <.001) entre sub-distritu, (Tabela 14) ne’ebé ida ne’e hanesan mos kazu iha tinan hirak ikus.

Tabela 14. pH rai ho elevasaun husi fatin OFDT batar, 2008 to’o 2011.



Distritu

Sub-Distritu

Elevasaun

2009-10

pH rai 2009-10

Elevasaun

2010-11

pH rai 2010-11

Aileu

Aileu

943

6.3

1166

6.1

Aileu

Laulara

1219

6.1

1285

5.5

Aileu

Liquidoe

1268

6.5

1255

5.8

Aileu

Remexio

988

5.9

1007

6.2

Ainaro

Hatoudo

254

7.4

274

laiha

Baucau

Baucau

529

6.9

511

6.5

Baucau

Vemasse

497

6.6

781

7.1

Baucau

Venilale

830

7.5

770

7.3

Bobonaro

Balibo

150

7.1

31

7.2

Liquiça

Liquiça

291

6.7

169

6.9

Liquiça

Maubara

181

6.9

27

7.4

Manufahi

Same

274

7.4

302

6.8

Viqueque

Viqueque

44

6.3

15

6.9


Figura 14 hanesan gráfiku regresaun ne’ebé hatudu tendensia jerál husi fatin ho elevasaun aas liu nia pH rai ki’ik liu. Dadus husi tinan hirak ikus hatudu katak iha deklíniu (penurunan) iha pH rai maizumenus husi ½ to’o 1 por elevasaun 1000m. Tendensia husi OFDTs tinan ida ne’e kuaze forte liu tinan hirak ikus ho 63% husi variasaun iha pH rai esplika husi elevasaun. Ho omisaun (kelalaian) husi Venilale ho Vemasse ne’ebé ahu ruin fó efeitu alkalinizante, 91% husi variasaun entre sub-distritu esplika tuir sira-nia elevasaun.

Figura 14. Efeitu husi elevasaun ba pH rai iha fatin OFDT batar, 2010/11.

Rai ho testura hotu-hotu reprezenta husi testu hirak ne’ebé halo iha tinan ne’e, ne’ebé sandy loam/lempung berpasir ho clay loam/liat berlempung mak hanesan típu ne’ebé barak liu (Tabela 15)

Tabela 15. Distribuisaun testura rai iha fatin OFDT batar, 2008-2011



Testura rai

Fatin 2009/10 (%)

Fatin 2010/11 (%)

Sandy/berpasir

0

1

Sandy loam/Lempung berpasir

20

27

Silty loam/Gelu lumpur

11

13

Loam/Lempung

14

14

Clay loam/Liat berlempung

23

22

Fine clay/Gelu ringan

23

15

Heavy clay/Liat padat

8

8

Testu ne’ebé falla (gagal)

Husi fatin OFDTs 102 ne’ebé kuda, 16% mak falla. Enkuantu númeru ida ne’e hanesan ho númeru ne’ebé falla iha tinan hirak ikus (idaidak 18%, 17%, 18%, ho 25% durante tinan haat ikus) kondisaun ladiak husi tempu udan tinan 2010/11 prevene fatin testu barak mak la kuda no númeru total husi testu kuaze menus. Relatóriu husi fatin barak hatudu katak agrikultór sira la kuda batar tanba deit udan been aas liu. Fatin testu balun falla/lakon tanba ho razaun prinsipál mak estraga husi animal no koileta ne’ebé agrikultór sira halo la hein prezénsia husi peskizadór SoL nian.



Varidade

Rezultadu produsaun husi varidade Sele ne’ebé lansa signifikamente aas liu populasaun batar lokál (Tabela 16). Ida ne’e tanba todan fulin boot hanesan ida ne’ebé akontese iha tinan hirak antes.



Tabela 16. Komponente rezultadu produsaun ba varidade batar OFDT iha fatin OFDTs hotu-hotu, 2010/11

Varidade

Rezultadu produsaun (t/ha)

Densidade (ai-horis/m2)

Fulin/ai-horis

Musan/fulin

Todan musan/fulin (g)

Todan musan (g/100)

Local

1.53

5.02

0.81

170

42.0

29.4

Har12P07

1.77

5.07

0.81

196

48.9

29.4

P07

1.85

5.16

0.84

204

51.4

29.6

Sele

2.05

5.15

0.85

199

53.8

32.6

LSD (P≤0.05)

.36

ls

ls

ls

8.1

1.6

Varidade*ZAE

LSD


ls


ls


ls


ls


ls


ls

Varidade*Distritu

LSD


.96


ls


ls


ls


ls


4.69

La deskobre kona ba interasaun iha tinan ida ne’e kona ba rezultadu produsaun ou kualker komponente produsaun ho ZAE. Mezmu nune’e iha interasaun ne’ebé signifikante entre varidade ho distritu ba rezultadu produsaun ho medida musan. Deskobre mos batar musan boot ne’ebé úniku husi batar lokál iha Baucau ne’ebé nia medida musan boot hanesan ho batar varidade foun hanesan Sele ho Arjuna. Ida ne’e sujere katak varidade foun disponível ba agrikultór sira atu kuda hanesan ”lokál” hamutuk ho varidade foun ne’ebé koko iha fatin testu. Ida ne’e konsistente ho distribuisaun luan husi varidade foun iha distritu husi organizasaun sira hanesan MAP, FAO, AECID, World Vision, no ONG lokál sira. La inklui distritu Baucau iha rezultadu tinan ida ne’e, no komparasaun varidade foun ho varidade batar lokál ne’ebé reprezentativu loloos, varidade foun oin tolu ne’ebé iha hatudu vantajen produsaun profunda ne’ebé substansiál liu varidade lokál.

Wainhira halo komparasaun uza dadus husi distritu hotu-hotu, varidade P07 foin mak falla atu atinji vantajen ne’ebé signifikante liu lokál check, no Har12P07 la produs diferensa ne’ebé signifikante iha nia produsaun. Mezmu la inklui Baucau iha ne’e, maibe varidade oin rua ne’e hatudu vantajen produsaun ne’ebé signifikante liu batar lokál ( Tabela 17). Aumenta ida ne’e hetan la’os tanba uza adubu, pestisida ou kualker insumu, no la ijiji mudansa ruma iha agrikultór sira-nia prátika halo to’os baibain.

Aprezentasaun husi P07 kuaze impresivu iha tinan 2010/11 ho vantajen produsaun 46% liu lokál kompara ba 40% iha tinan 2009/10. Ida ne’e nia númeru fulin iha hun ida hanesan ho Sele. Enkuantu densidade ai-horis ne’ebé aas liu mak halo Sele diak liu P07 iha tinan kotuk ba, tinan ida ne’e 2010/11 fulin ho nia todan mak fó vantajen ba Sele.

Tabela 17. Vantajen produsaun ho/la ho distritu Baucau 2010/11



Varidade

Produsaun (t/ha)

Distritu hotu-hotu

Produsaun (t/ha)

La inklui Baucau

Sele

2.05 (34%)

2.05 (54%)

P07

1.85 (21%)

1.95 (46%)

Har12P07

1.77(16%)

1.88 (40%)

Local

1.53

1.34

LSD (P<0.05)




0.39

Figura iha brackets (kurung) hatudu vantajen produsaun liu varidade lokál

Figura 15. Rezultadu produsaun husi populasaun oin 3 ne’ebé koko vs populasaun lokál la inklui Baucau, 2010/11.

Gráfiku iha Figura 15 hatudu kona ba variasaun iha vantajen produsaun husi varidade foun ne’ebé liu varidade lokál. Iha gráfiku tolu ne’e hotu, maioria pontu ne’ebé tau iha linear leten liña 1:1 trasa atravez de pontu de dadus. Ida ne’e núdar gráfiku reprezentasaun husi rezultadu husi ANOVA, ne’ebé hatudu vantajen produsaun husi Sele (54%), P07 (46%), no Har12P07 (40%).

Rezultadu produsaun ba batar lokál, Har12P07 ho Sele iha tendensia atu aumenta wainhira densidade ai-horis aumenta ba hun 5/m² no depois tún fali, maibe nia efeitu la klaru hanesan iha tinan hirak ikus. P07 kuaze produs rezultadu produsaun ne’ebé maizumenus hanesan husi densidade hotu-hotu. Laiha interasaun ne’ebé estatistikamente diferente entre densidade ai-horis ho varidade kona ba rezultadu produsaun, no tanba ne’e laiha razaun atu rekomenda densidade kuda oioin ba varidade hirak ne’ebé koko.


Tabela 18. Efeitu husi densidade ai-horis ba produsaun varidade batar iha OFDT, 2010/11.

Densidade ai-horis

(ai-horis/m2)

Local

(t/ha)

Har12P07

(t/ha)

P07

(t/ha)

Sele

(t/ha)

< 1

-

(0)

-

(0)

-

(0)

-

(0)

1 – 2

0.69

(4)

2.45

(2)

2.37

(4)

1.17

(2)

2 – 3

1.52

(12)

1.18

(12)

1.29

(8)

1.87

(9)

3 – 4

1.10

(18)

1.86

(14)

2.15

(20)

1.82

(21)

4 – 5

1.53

(18)

1.72

(23)

2.10

(18)

2.29

(17)

5 – 6

1.31

(12)

2.09

(14)

1.40

(16)

2.18

(14)

6 – 7

1.26

(9)

1.16

(8)

1.11

(5)

1.41

(8)

7 – 8

2.12

(1)

1.93

(2)

2.25

(2)

2.31

(4)

> 8

3.08

(11)

2.49

(11)

1.87

(13)

2.53

(11)

* Figura iha brackets (kurung) hatudu kona ba númeru observasaun ne’ebé halo.

Figura 16. Gráfiku regresaun kompara densidade ai-horis ho rezultadu produsaun.



Distritu

Varidade foun hotu-hotu hatudu rezultadu produsaun ne’ebé aas liu iha sub-distritu Balibo (Tabela 19). Sele produs rezultadu ne’ebé ki’ik liu iha Aileu no P07 iha Baucau. Sub-distritu Baucau hanesan fatin ne’ebé hatudu produsaun aas liu hotu iha tinan rua nia laran husi tinan haat ne’ebé halo testu. Vantajen produsaun aas liu ba Sele ho P07 deskobre iha Viqueque, ho Same no Hatoudo mos produs vantajen produsaun ne’ebé aas liu populasaun batar lokál.

Sele ho P07 produs vantajen produsaun wainhira kompara ho lokál check iha kada sub-distritu, mezmu nune’e iha sub-distritu balun mak varidade oin rua ne’e hatudu produsaun menus liu varidade lokál (Tabela 19). Sele mantein nia vantajen produsaun husi 36% to’o 54% liu varidade batar lokál wainhira koko iha agrikultór sira-nia to’os durante testu tinan hirak nia laran. P07 mantein nia vantajen produsaun maizumenus 43% liu batar lokál iha tinan rua ikus, ne’ebé rezultadu ne’e dóbru husi ida ne’ebé hatudu iha tinan 2008/9. Tanba P07 nia estabelesimentu ai-horis ladún diak iha tinan 2008/9, maka depois de liu tiha testu no demonstrasaun iha to’os priméiru rezultadu produsaun husi P07 aumenta tanba fini ne’ebé produs husi SoL iha kualidade ne’ebé diak.



Tabela 19. Produsaun batar musan iha OFDT no vantajen produsaun tuir sub-distritu 2010/11

Distritu

Sub-Distritu

Local

(t/ha)

Har12P07

(t/ha)

P07

(t/ha)

Sele

(t/ha)

Vantajen produsaun Sele liu lokál

Vantajen produsaun P07 liu lokál

Aileu

Aileu

0.7

1.1

1.0

1.1

57%

43%

Aileu

Laulara

2.2

1.7

1.3

2.0

-9%

-41%

Aileu

Lequidoe

1.9

1.7

1.5

2.0

5%

-21%

Aileu

Remexio

2.0

1.8

1.7

2.0

0%

-15%

Ainaro

Hatoudo

0.9

2.0

2.8

2.0

122%

211%

Baucau

Baucau

1.3

0.7

.9

1.4

8%

-31%

Baucau

Vemasse

1.4

1.0

1.4

1.4

0%

0%

Baucau

Venilale

3.4

2.5

2.3

2.9

-15%

-32%

Bobonaro

Balibo

3.2

3.4

4.2

3.9

22%

31%

Liquiça

Liquiça

1.4

1.7

1.4

2.1

50%

0%

Liquiça

Maubara

0.9

1.2

1.2

1.5

67%

33%

Manufahi

Same

1.7

2.5

2.5

3.1

82%

47%

Viqueque

Viqueque

1.0

2.8

3.2

2.6

160%

220%

Média




1.53

1.77

1.85

2.05

34%

21%

Zona Agro-Ekolojikál (ZAE) ho rezultadu produsaun

Rezultadu produsaun husi varidade hotu-hotu iha kada ZAE haktuir iha Tabela 20. Hanesan tinan kotuk ba, laiha interasaun ne’ebé estatistikamente signifikante entre ZAE ho varidade kona ba rezultadu produsaun. Rezultadu produsaun husi varidade foun hotu-hotu kuaze ki’ik liu mak iha ZAE 2 no aas liu mak iha ZAE 6, enkuantu varidade lokál hatudu rezultadu ki’ik liu iha ZAE4 no aas liu iha ZAE 1. Médiu rezultadu produsaun husi varidade foun aas liu mak iha parte de súl hasoru ZAE, enkuantu lokál nia médiu produsaun aas liu mak iha parte Norte hasoru ZAE. Sele hatudu vantajen produsaun liu varidade lokál kuaze iha ZAE hotu-hotu so ZAE 3 deit mak lae.



Tabela 20. Méiu produsaun batar OFDT tuir ZAE, 2010/11

Klase ZAE

(HareeTabela 10)

Local

(t/ha)

Har12P07 (t/ha)

P07

(t/ha)

Sele

(t/ha)

Vantajen produsaun P07 liu lokál (%)

Vantajen produsaun Sele liu lokál (%)

1 Northern coast

1.7 (22)

2.1 (23)

2.2 (23)

2.4 (23)

29%

41%

2 Northern slopes

1.1 (4)

1.3 (4)

1.2 (4)

1.6 (4)

9%

45%

3 Northern uplands

1.6 (44)

1.4 (44)

1.4 (44)

1.7 (44)

-13%

6%

4 Southern upland

0.8 (2)

1.8 (2)

2.7 (2)

2.1 (2)

238%

163%

5 Southern slopes

1.1 (4)

2.7 (4)

2.5 (4)

2.4 (4)

127%

118%

6 Southern coast

1.4 (9)

2.7 (9)

3.0 (9)

3.0 (9)

114%

114%

*Figura iha brackets (kurung) hatudu kona ba númeru fatin testu ne’ebé hetan koileta.

Elevasaun ho rezultadu produsaun

Figura 17 hatudu kona ba rezultadu produsaun husi kada varidade tuir elevasaun. Rai lolon ne’ebé hanesan husi liña ne’ebé fíxu ba kada varidade foun hatudu relasaun ne’ebé kontráriu hanesan entre elevasaun ho rezultadu produsaun. Rai lolon husi liña ne’ebé fíxu dalaruma la hanesan, mezmu nune’e ida ne’e hatudu katak elevasaun iha efeitu ne’ebé menus ba rezultadu produsaun varidade lokál. Sele sei hatudu nafatin nia produsaun ne’ebé diak liu varidade lokál to’o elevasaun liu husi 1,250 m, ne’ebé reprezenta maioria area kuda iha Timor-Leste, maibe gráfiku hatudu to’o iha ne’ebé mak varidade lokál adapta ho elevasaun oioin ne’ebé iha teritóriu laran. Karaterístika oioin husi area kuda iha teritóriu tomak hatudu dezafiu ba varidade foun, maibe gráfiku hatudu katak vantajen produsaun bele mantein iha elevasaun oioin.



Figura 17. Gráfiku regresaun kompara elevasaun ho rezultadu produsaun

Enkuantu objetivu prinsipál husi peskiza OFDT mak atu halo avaliasaun ba varidade foun iha agrikultór sira-nia to’os para hodi rekomenda ba lansamentu, ida ne’e mos fó oportunidade atu estuda kona ba efeitu husi fatór agronómiku oioin no atu avalia nia efeitu ba iha rezultadu produsaun ai-horis. Ida ne’e fó dadus ne’ebé valiózu kona ba oinsa agrikultór Timor oan sira jere sira-nia ai-horis batar no infrenta bareira ba produsaun. Husi fatór hotu-hotu ne’ebé koko, so ‘kuda kahur/kuda mesak’, ‘kuda arbiru/kuda iha liña’, no ‘pH rai’ mak prova la signifikante, ida ikus liu dalaruma tanba pH rai ne’ebé koko iha tinan ida ne’e kuaze ki’ik liu.

Tabela 21. Fatór oioin ne’ebé afeta produsaun batar iha OFDT, 2007-2010



Fatór

F pr.

2010-2011

Signifikante 2010-2011

Signifikante

2009-2010

Signifikante

2008-2009

Signifikante

2007-2008

Varidade

.029









ZAE

.062









Sub-Distritu

<.001









Númeru musan kada rai kuak

<.001









Distánsia kuda

.003









pH rai

ls









Kór rai

<.001









Testura rai

.011









Númeru vizita staff

<.001









Kuda arbiru ou tuir liña

ls









Klase rai lolon

.001









Númeru atividade hamoos du’ut

.013









Kuda kahur ou kuda mesak

ls









Jéneru husi chefe da familia

.006









Instrumentu ne’ebé uza ba preparasaun rai

.010





-

-

Musan kada rai kuak

Númeru musan ne’ebé kuda iha kada rai kuak ida signifikamente afeta rezultadu produsaun batar (Tabela 22). Dadus tempu uluk hatudu ona katak maioria agrikultór iha Timor-Leste kuda musan 2-3 iha rai kuak ida no halo ai-horis produs musan ne’ebé barak/óptimu iha densidade kuda ida ne’e.

Tabela 22. Influénsia husi musan kada rai kuak ba produsaun batar iha OFDT, 2010/11.


Musan kada rai kuak iha tempu kuda

Médiu produsaun husi varidade haat ne’ebé koko (t/ha)

Númeru kanteru

1

2.1

4

2

1.6

152

3

2.2

135

4

1.3

52

LSD (P<0.05)

0.72




pH rai

pH rai oioin ne’ebé koko iha tinan ida ne’e kuaze ki’ik liu ida ne’ebé iha tinan hirak kotuk ba (haree Tabela 13), ne’ebé ida ne’e núdar tinan priméiru ne’ebé pH rai la atinji signifikánsia. Tanba laiha fatin testu ne’ebé nia pH rai boot/extreme, maka rezultadu produsaun kuaze konsistente liu iha fatin testu hotu-hotu.

Tabela 23. Rezultadu produsaun iha OFDT tuir pH rai ba batar varidade hotu-hotu, 2010/11.



pH rai

5.5

6.0

6.5

7.0

7.5

8.0

Númeru kanteru

28

64

64

88

71

16

Méiu produsaun (t/ha)

1.3

1.3

1.9

1.9

2.3

1.8

LSD: ls

Kór rai

Rai kór korkafe nurak hanesan maioria rai iha fatin testu ne’ebé fó produsaun aas liu iha tinan 2010/11 (Tabela 24). Típikamente rai metan produs rezultadu produsaun ne’ebé aas liu iha Timor-Leste.

Tabela 24. Efeitu husi kór rai ba rezultadu produsaun batar 2010/11.


Kór rai

Produsaun (t/ha)

Númeru kanteru

Mutin

0.8

4

Mean

1.6

84

Metan

1.7

56

Korkafe nakukun

1.7

60

Korkafe nurak

2.2

103

LSD (P<0.05)

0.7





Testura rai

Exceitu ba sandy soils/tanah berpasir mak fó produsaun menus, testura rai oioin kuaze la diferente signifikamente ba malu (Tabela 25). Fine clay/gelu ringan fó produsaun ne’ebé aas liu.

Tabela 25. Impaktu husi testura rai ba rezultadu produsaun batar 2010/11.


Testura rai

Produsaun (t/ha)

Númeru kanteru

Sandy/berpasir

0.8

4

Sandy loam/Lempung berpasir

1.9

100

Silty loam/Gelu lumpur

1.8

43

Loam/Lempung

1.7

48

Clay loam/Liat berlempung

1.6

68

Fine clay/Gelu ringan

2.1

48

Heavy clay/Liat padat

1.9

32

LSD (P<0.05)

0.66




Vizita peskizadór ba iha fatin OFDTs

Númeru vizita peskizadór sira-nian ba OFDTs hatudu efeitu ne’ebé signifikante ba rezultadu produsaun (Tabela 26), hanesan iha hotu-hotu exceitu ba tinan testu ida antes. Peskizadór sira vizita ba fatin testu (OFDTs) husi dala 2 to’o 11 ho médiu vizita dala 6. Iha tinan sira seluk, rezultadu produsaun aumenta tuir númeru vizita ne’ebé aumenta, maibe la’os ida ne’e mak problema ba tinan ida ne’e. Rezultadu produsaun kuaze hanesan husi vizita dala 1 to’o 8, no depois tún wainhira númeru vizita barak liu husi ne’e.

Tabela 26. Efeitu husi númeru vizita peskizadór ba rezultadu produsaun batar iha to’os 2010/11.

Númeru vizita

Médiu produsaun (t/ha)

Persentajen observasaun

2

1.8

1

3

1.5

3

4

2.1

6

5

2.2

8

6

2.0

29

7

1.4

22

8

2.0

16

9

1.5

13

11

1.0

1

LSD (P<0.05) 0.84






Agrikultór nia preferénsia ba populasaun batar

Iha loron koileta staff sira realiza loron to’os nain hodi konvida agrikultór sira mai asiste hodi avalia no fó valor ba varidade idaidak ne’ebé koileta tuir karaterístiku balun ne’ebé iha (Tabela 30), no karik varidade ne’ebé sira avalia bele enkoraja sira atu kuda iha sira-nia to’os ka lae. Agrikultór nain 100 resin mak partisipa iha loron to’os nain, ne’ebé 62% husi sira ne’e feto. Varidade Sele hetan nafatin valor ne’ebé aas iha tinan ida ne’e tanba deit fulin ne’ebé boot, no P07 mos hetan valor ne’ebé diak iha area ne’e. P07 hetan valor aas kona ba kulit ne’ebé falun metin no hanesan varidade ne’ebé hetan valor aas liu iha kategoria rezisténsia ba fuhuk. Agrikultór sira fó importánsia boot ba asuntu rezisténsia fuhuk hanesan ho resposta ne’ebé fó iha tinan kotuk ba iha kategoria ida ne’e, no ida ne’e responde ba kritériu importante atu lansa varidade ida ne’e. Nune’e mos kona ba kór P07 mos hetan valor ne’ebé diak hanesan ho Sele iha tinan kotuk ba, ne’ebé hatudu katak kualidade kór importante tebes ba agrikultór sira maibe kór kinur ho mutin kuaze hetan valor hanesan deit. Jeralmente, P07 ho Sele hetan valor ne’ebé aas wainhira kompara ho batar lokál, enkuantu Har12P07 hetan valor ne’ebé menus.


Tabela 27. Resposta agrikultór (%)* ba varidade batar 2010/11.

Karaterístika

Har12P07

Local

P07

Sele

Fulin boot

19

21

86

100

Musan boot

27

13

81

77

Produsaun aas

34

15

90

100

Fulin nakonu

40

44

75

100

Kór

30

71

100

98

Kulit metin

35

50

76

66

Sabór

29

67

79

95

Rezisténsia ba fuhuk

27

95

75

55

Rezisténsia ba anin

25

32

79

90

Maioria resposta positivu (%)

30

45

82

87

* Agrikultór barak mak hili kritéria ne’e liu husi ida.

Konkluzaun

Depois de halo peskiza durante tinan lima iha sentru peskiza no tinan tolu iha agrikultór sira-nia to’os, deside ona katak varidade P07 tenke rekomenda ona ba lansamentu. Varidade ne’e konsistentemente aprezenta diak ho vantajen produsaun liu batar lokál mak 40%. Varidade ida ne’e hetan valor ne’ebé atu besik aas hanesan ho Sele husi agrikultór sira iha Timor Leste, no nia kór mutin dalabarak halo agrikultór sira iha Timor Leste prefere liu fali batar kór kinur. P07 aseita ona atu halo lansamentu husi Komisaun Lansamentu Varidade no sei hein hela naran ofisiál para atu fó sai iha lansamentu.

Varidade Sele ne’ebé lansa tiha ona kontinua hetan valor ne’ebé diak kona ba nia rezultadu produsaun no tama ba iha agrikultór sira-nia preferénsia iha teritóriu tomak. Dadus husi testu hotu-hotu ne’ebé halo hatudu katak varidade ida ne’e adapta diak ba kondisaun oioin ne’ebé deskobre iha Timor Leste no konsistentemente hatudu rezultadu ne’ebé diak liu lokál independentemente husi elevasaun, kondisaun rai no seluk tan.




Baixar 9.05 Mb.

Compartilhe com seus amigos:
1   2   3   4   5   6   7   8   9   ...   13




©bemvin.org 2020
enviar mensagem

    Página principal
Prefeitura municipal
santa catarina
Universidade federal
prefeitura municipal
pregão presencial
universidade federal
outras providências
processo seletivo
catarina prefeitura
minas gerais
secretaria municipal
CÂmara municipal
ensino fundamental
ensino médio
concurso público
catarina município
Dispõe sobre
reunião ordinária
Serviço público
câmara municipal
público federal
Processo seletivo
processo licitatório
educaçÃo universidade
seletivo simplificado
Secretaria municipal
sessão ordinária
ensino superior
Relatório técnico
Universidade estadual
Conselho municipal
técnico científico
direitos humanos
científico período
espírito santo
pregão eletrônico
Curriculum vitae
Sequência didática
Quarta feira
prefeito municipal
distrito federal
conselho municipal
língua portuguesa
nossa senhora
educaçÃo secretaria
segunda feira
Pregão presencial
recursos humanos
Terça feira
educaçÃO ciência
agricultura familiar