Hadi’a siguransa ai-han liu husi hasa’e produtividade ai-han prinsipál’



Baixar 9.05 Mb.
Página2/13
Encontro30.10.2016
Tamanho9.05 Mb.
1   2   3   4   5   6   7   8   9   ...   13

1.2 Sumáriu programa, 2010-2011

SoL faze terseiru dezeña ho komponente haat ne’ebé idaidak ho nia atividade espesífiku. Atividade hirak ne’e mak hanesan a) Avaliasaun varidade ai-horis kualidade diak, b) Produsaun/Habarak no distribuisaun fini formál, c) Habarak no distribuisaun fini informál no d) Jestaun ba sistema fini. Harii kapasidade núdar parte integral ida husi programa no engaña iha komponente idaidak, maibe sumáriu kona ba atividade treinamentu tinan-tinan aprezenta ketak.

Atividade no progresu husi komponente idaidak ba tinan 2010-2011 hatudu iha kraik:

Komponente 1: Avaliasaun ba varidade ai-horis kualidade diak.



Objetivu komponente: Identifika no lansa varidade ai-horis kualidade diak.

Atividade iha komponente ida ne’e inklui:



  • Estabelese Sentru Peskiza Agríkula Nasionál ho Estasaun Peskiza

  • Identifika no buka materiais jenétiku husi varidade kualidade diak

  • Avalia varidade foun ne’ebé potente iha estasaun

  • Avalia varidade foun ne’ebé potente iha agrikultór sira-nia to’os

  • Hili varidade foun ne’ebé submete ba lansamentu ofisiál

  • Produs fini fundasaun ne’ebé sufisiente

  • Hametin kapasidade staff MAP atu jere identifikasaun no lansa varidade foun

To’o iha fin de 2011, maioria edifísiu hirak ne’ebé planu atu hadi’a kuaze rehabilita no konstrui hotu kedas. Konstrusaun hirak ne’e inklui hela fatin no armazen iha Triloka (Baucau) no armazen iha Corluli (Bobonaro). Dezeña ona edifísiu temporáriu atu harii iha Kinta Portugal (Aileu) ho Raimaten, (Bobonaro). MAP aloka ona fatin kultivasaun ida ne’ebé konsidera hanesan estasaun peskiza ho elevasaun aas iha Urulefa Maubisse, no ida ne’e sei uza ba priméira vez iha tempu udan tinan 2011-2012. Identifika mos ona fatin adekuadu ida atu halo peskiza kona ba hare irigasaun rai tetuk no rai aas no mos ba habarak fini. Fatin ida ne’e nia luan mak 1.7ha ne’ebé lokaliza besik estrada boot no kanál irigasaun no besik ba bee matan. Fatin ida ne’e mak iha Suco Raimaten, Maliana Sub Distritu Bobonaro.

Sistema irigasaun iha Loes kuaze rehabilita no hadi’a ona durante periódu dezeña edifísiu estra ba rai ekipamentu. Sentru peskiza Betano, Loes ho Darasula jere husi staff MAP ne’ebé profesionál no halo operasaun tuir orsamentu ne’ebé iha.

Laiha varidade foun husi ai-han prinsipál mak importa durante tinan tomak nia laran maibe iha varidade terigu (wheat) 25 ho barley 25 no duhaen 13 (típu koto ida) mak haruka mai husi Austrália ho tan hare rai maran 104 no hare irigasaun 60 husi IRRI, Filipina.

Halo ona avaliasaun ba testu replikadu tempu udan 32 durante tinan tomak husi 2010-2011 no deskreve ona iha relatóriu ida ne’e nia laran. Maioria husi testu hirak ne’e no testu tempu bailoro balun hala’o ona iha estasaun balun hanesan Aileu, Betano, Loes no Darasula. Aleinde ne’e, testu ba hare no ba ai-horis ne’ebé presiza ambiente ho altitude aas hanesan (wheat, barley, fehuk ropa no koto) hala’o ona iha agrikultór sira-nia to’os. Númeru varidade iha testu idaidak kuaze la hanesan hahu husi 13 to’o 106 depende ba iha ai-horis nia disponibilidade. Loron to’os nain kuaze halo iha sentru peskiza no rejista agrikultór sira-nia observasaun ba varidade hirak ne’ebé hatudu potensialidade atu koko iha sira-nia to’os. Ho prosesu ida ne’e, hili ona varidade forerai oin 10 ne’ebé diak para tau iha konsiderasaun no inklui iha testu replikadu tinan 2011-2012 no 2012-2013. Identifika ona varidade fehuk midar oin 3 para atu hatama iha OFDTs tinan 2011-2012 no 2012-2013.

Durante tinan tomak nia laran estabelese ona fatin OFDTs 375. Husi númeru ida ne’e, batar 118, leguminosa 34, fehuk midar 81, hare 86 no ai-farina 56. Fatin OFDTs estabelese iha distritu 7 no sub-distritu 19.

Ekipa SoL identifika ona batar varidade kór mutin oin ida para atu lansa iha fulan Juñu, 2011. Varidade ida ne’e identifika hanesan P07 ne’ebé orijinalmente mai husi Filipina.

Kriadór fini (breeders) fó ona lisensa atu lansa varidade ida ne’e iha Timor-Leste no komisaun lansamentu varidade (KLV) sei hein hela naran ne’ebé atu fó ba varidade ne’e antes ofisialmente lansa ba agrikultór sira.

Fini ho kuantidade ne’ebé sufisiente produs ona durante tinan tomak hodi fornese ba atividade peskiza no programa habarak fini formál. Iha mos fini fundasaun estra ne’ebé atu uza husi MAP no fa’an ba ONG sira. Agora dadaun iha fin de ano iha ona fini Sele 1500kg no P07 3,500 kg mak rai iha Sentru Peskiza Betano; ai-farina 1 ha kuda atu produs nia kain iha Loes no 1 ha iha Corluli. Maizumenus iha area ho luan 3000 m2 mak uza hodi kuda fehuk midar atu produs nia kain iha Loes no 800m2 iha Aileu. Iha 200 panicles (malai) husi hare Nakroma mak hili ona nia pureza para atu produs fini fundasaun iha tinan 2011.

Harii kapasidade ne’ebé halo durante tinan tomak mak inklui kúrsu formál tempu badak no treinamentu durante serbisu (on-the-job training). Hirak ne’e haktuir detallu liu tan iha sesaun 8. Aleinde ne’e, fó mos apóiu ba estudante UNTL nain tolu hodi halo sira-nia teze no ajuda graduadu Timor oan nain lima ho sira-nia treinamentu kona ba pós-graduadu. SoL fó mos apóiu ba estudante nain rua ne’ebé foti sira-nia mestradu iha Universidade balun iha Indonézia. Aleinde ne’e, fó apóiu mos ba estudante nain tolu hodi aplika ba bolsu estudu John Allwright ACIAR nian iha Australia.

Komponente 2. Produsaun no distribuisaun fini formál


Objetivu komponente: Fini kualidade diak ho kuantidade ne’ebé sufisiente produs ona liu husi kanál formál hodi mantein kualidade jenétiku husi fini ne’ebé lansa.

Atividade iha komponente ida ne’e inklui:



  • Produs fini formál liu husi kontratu ho agrikultór sira

  • Estabelese sistema hodi garante fini nia kualidade

  • Fornese apóiu tékniku ba produtór kontratadu fini nian

  • Estabelese fasilidade ba klasifikasaun fini (sortasi benih), falun no rai

  • Distribui fini formál liu husi kanál distribuisaun ne’ebé prefere

  • Hametin kapasidade staff MAP atu jere produsaun no distribuisaun fini formál.

Ofisiais Habarak Fini (OHF) halo kontratu ho agrikultór sira hodi produs fini batar, hare no fehuk midar. Fatin habarak fini fehuk midar estra rua (ida iha Liquiça no ida iha Bobonaro) estabelese ona durante tinan 2011. Fatin habarak ai-farina kain ba programa ne’e kuaze halo iha Sentru Peskiza Betano ou Loes durante tinan tomak nia laran.

Koordenadór habarak fini (KHF) no OHF hala’o treinamentu durante segundu metade (pertengahan kedua) husi tinan tomak hodi hadi’a sira-nia komprensaun ba regulasaun kualidade fini. Mantein fini ho kualidade aas liu husi rejeita fini ne’ebé ladún diak to’o 20% iha tempu koileta no staff tékniku nain ida dedikadu para atu halo análizi laboratóriu ba fini nia kualidade. Sosa ona mákina hamoos hare nian ida hodi hadi’a fini nia kualidade, no jerminadór fini haruka ona ba armazen iha Baucau, Aileu, Manufahi, Liquiça, ho Bobonaro para bele kontrolla kualidade fini intérnu. Husu ona ba analizadór fini MAP/SoL nian atu halo inspesaun ba batar fini ne’ebé importa kona ba nia nível jerminasaun antes halo distribuisaun ba agrikultór sira. Prosedimentu kona ba foti sample no testu implementa ona ho didiak husi staff sira no rezultadu testu haruka ona ba MAP.

Estabelese ona fasilidade armazenamentu foun iha Darasula (Baucau), Maliana, Aileu no Loes, no fasilidade iha Triloka (Baucau) atualizadu durante tinan tomak. Konstrusaun ba armazen adisionál iha Viqueque mos hahu dadaun ona. Armazen idaidak bele rai fini to’o 30t no iha fatin ne’e mos halo atividade hamoos/sortasi fini hare ho batar ho kuantidade tonelada 1/óras.

Batar fini hotu-hotu ne’ebé presiza husi programa Habarak Fini Informál SoL/MAP-ho ONG sira kuaze produs no distribui hotu ona. Hare ho batar fini balun ne’ebé distribui direta husi MAP/SoL no ONG sira mos habarak no halo distribuisaun durante tinan tomak.

Fatin habarak fehuk ho ai-farina kain estabelese ona durante tinan klaran hodi responde ba nesesidade husi espansaun programa.

Halo ona treinamentu formál tolu durante tinan tomak nia laran kona ba kualidade no habarak fini. Halo mos ona study tour ida iha Indonézia hodi deskuti kona ba sistema fini. Aleinde ne’e, produtór fini sira mos hetan vizita regulár husi ofisiais habarak fini MAP/SoL.

Komponente 3. Produsaun no distribuisaun fini informál



Objetivu komponente: Hametin mekanízmu produsaun no distribuisaun fini liu husi dalan informál no kanál merkadu.

Laiha atividade husi komponente habarak fini informál mak halo durante tempu udan tinan 2010-2011. Mezmu nune’e programa ida ne’e kria periódu planeamentu ba tempu udan tinan 2011-2012. Atividade ne’ebé kria mak deskreve tuir mai:



  • Estabelese Grupu Komunidade Habarak Fini (GKHF)

  • Estabelese Grupu Fa’an Fini Agrikultór Nian

  • Estabelese komersiante lokál ne’ebé foka ba fini

  • Hadi’a asesu ba fini husi grupu vulnerável liu husi feira fini

  • Hametin sistema ligasaun entre produtór fini informál ho kompradór potensiál

  • Hametin kapasidade staff MAP atu estabelese GKHF

Iha tempu udan tinan 2011-2012 SoL/MAP estabelese ona GKHF 280 iha distritu hitu hodi habarak no rai fini durante tempu udan tinan 2011-2012. ONG sira mos organiza grupu 446 hodi habarak fini ne’ebé simu husi SoL ba sira-nia programa dezenvolvimentu rurais. Husi grupu ne’ebé estabelese iha grupu ida deit mak kompostu husi feto nain 13 (5% husi total grupu 280). Husi grupu 280 ne’ebé iha, grupu 102 mak kuda batar, 51 batar, 52 hare, 6 ai-farina no 40 fehuk midar. Total membru mak 3,815. (mane 73%, feto 27%).

Iha tinan priméiru la estabelese grupu ne’ebé fa’an fini, nune’e mos feira fini. Nune’e mos laiha komersiante fini fokál ou dezenvolvimentu sistema. Halo ona treinamentu balun hodi kapasita staff MAP para bele jere atividade habarak fini komunidade no ba agrikultór ne’e rasik hodi implementa programa ne’ebé iha. Halo ona treinamentu 20 durante tinan tomak no workshop sosializasaun 32 ne’ebé kuaze kobre partisipante nain 2147. Depois de ne’e atende mos husi grupu fini idaidak husi Suco 70 ne’ebé iha, ho nia total membru ema nain 1956. Mane 64% no feto 36%.

Komponente 4. Jestaun ba sistema fini

Objetivu komponente: Hametin kapasidade MAP nian atu jere sistema fini nasionál

Atividade iha komponente ida ne’e inklui:



  • Estabelese sistema jestaun no planeamentu ba fini

  • Estabelese sistema M&A (Monitorizasaun no Avaliasaun)

  • Implementa estratéjia jéneru iha sistema fini

  • Hadi’a tékniku oioin no dezenvolve materiais promosaun

  • Aumenta konsiénsia ba varidade kualidade diak

  • Diriji impaktu husi mudansa klimátika ba ambiente

  • Hametin kapasidade staff MAP atu jere sistema fini nasionál

SoL dezenvolve sistema inventóriu ida ne’ebé adekuadu ba programa durante tinan 2010. Sistema ida ne’e sei habelar hodi kobre programa fini nasionál. Study tour ba Indonézia kona ba sistema fini nian sei hala’o iha tinan 2012 hodi fornese matadalan ba staff MAP para bele estabelese sistema fini ne’ebé adekuadu.
Koloka ona staff MAP adisionál nain 2 iha fulan Agostu 2011 hodi reforsa atividade iha unidade Monitorizasaun & Avaliasaun/Siénsia Sosiál no Ekonómiku (M&A/SOSEK) ne’ebé halo númeru membru iha unidade ida ne’e hamutuk nain haat ho asesor nain ida. Membru husi Ekipa ida ne’e sei serbisu hamutuk ho Diresaun Nasionál de Estatístika hodi kompleta levantamentu baze dadus ne’ebé relasionadu ho programa ne’ebé SoL sei foka ba. Kuadru serbisu M&A halo ona revizaun iha inísiu tinan (Abril, 2011) no halo ona manual esbosu M&A.

MAP mos koloka ona staff nain rua hodi serbisu iha programa jéneru iha agrikultura durante tinan tomak nia laran. Staff sira ne’e serbisu hamutuk ho asesor tempu badak nain ida (fulan 2) dezenvolve planu serbisu ba programa jéneru iha SoL. Dezenvolve mos ona planu asaun ba komponente ida-ida no fó ona treinamentu ba staff sira kona ba jéneru iha agrikultura.

Prepara no lansa ona publikasaun sientífiku kona ba peskiza ne’ebé halo husi SoL durante tinan priméiru husi SoL 3. Hirak ne’e inklui atividade peskiza lima ne’ebé aseita ona husi jornál internasionál ne’ebé hatudu kona ba peskiza kualidade aas hala’o husi programa. Rekomendasaun kona ba varidade no tékniku iha lian Tetun mos fó sai ona ba públiku (haree sesaun 8).

Atividade SoL nian hetan ona publisidade ne’ebé natón durante periódu tomak iha televizaun lokál no mos internasionál inklui iha inprensa lokál. Ministru de Estranjéiru Austrália nian fó apóiu ba atividade SoL nian liu husi radio no televizaun. Sekretáriu Estadu MAP, Sr. Marços da Cruz halo vizita ba atividade SoL nian no fó sai nia apóiu ba programa ida ne’e liu husi televizaun lokál. Lista kona ba publikasaun hirak ne’ebé iha, relatóriu no eventu publisidade balun hatudu iha sesaun 8.

Relatóriu mudansa klimátika ne’ebé haktuir kona ba mudansa ne’ebé sei atu akontese iha udan been no temperatura iha atividade agríkula kompleta ona durante fulan neen priméiru, no serbisu iha kampo kona ba terase (terasering) remata iha fulan neen ikus. Aloka ona staff MAP nain 2 atu serbisu hamutuk iha atividade mudansa klimátika nian.

Staff MAP sira simu treinamentu ne’ebé natón durante tinan tomak nia laran (haree sesaun 9). Staff nain ida ne’ebé foti mestradu iha Austrália mos estuda kona ba kriasaun ai-horis partisipatóriu (participatory plant breeding) no sistema distribuisaun fini.

Jestaun da programa

Atividade maiór SoL nian durante tinan priméiru husi programa mak estabelese programa hodi bele opera ho efikás iha MAP nia laran no mos ho organizasaun sira seluk, partikularmente iha nível nasionál, rejionál no mos iha distritu. Estabelese ona ekipa jestaun da programa ho Direitór nasionál nain haat, Direitór distritu nain hitu, SoL Australian Team Leader (ATL) no Direitór Jerál MAP ne’ebé sai hanesan Prezidente. Hala’o ona enkontru husi ekipa ida ne’e kuaze dalatolu durante tinan tomak nia laran no enkontru estra ida durante vizita husi Technical Advisory Group (TAG). SoL Program Steering Committee (PSC) hasoru malu tinan ida dalarua ne’ebé hetan supervizaun ho nível aas husi governu ba iha programa. Enkontru ne’e lidera husi Ministru MAP no partisipante mak Direitór Jerál MAP, Direitór Nasionál de Peskiza i Serbisu Espesializadu (DNPSE), Agrikultura i Hortikultura (DNAH), Polítika i Planeamentu no (DNPP) no Diresaun Nasionál de Apóiu Dezenvolvimentu Komunidade Agríkula (DNADCA).Iha mos reprezentante husi ACIAR, AusAID, UWA no SoL.

Estabelese ona eskritóriu rejionál tolu no halo ona operasaun durante tinan tomak nia laran tuir planu ne’ebé iha no koordenadór sira iha distritu kuaze partisipa ona iha enkontru regulár. Hili ona asesor rejionál tolu no estabelese ona sistema jestaun. Sistema jestaun fíziku no finanséiru estabelese ona ho asisténsia husi staff estra lojístiku no finánsa. Charles Sturt University dezenvolve ona estratéjia komunikasaun no estabelese fila-fali SoL nian web page. Matadalan administrativu dezenvolve ona no kuadru serbisu M&A hetan ona revizaun no implementa ona. Technical Advisory Group (TAG) priméiru kompleta ona nia relatóriu iha fulan Novembru, 2011 no rekomendasaun ne’ebé iha kuaze halo tuir ona.
1.3 Udan been
Introdusaun

Dadus udan been Timor-Leste rekolla ona dalaida-ida kuaze tinan 90 nia laran (SoL, 2010). Iha tinan hirak foin dadaun, dadus kuaze tau hamutuk ona husi staff SoL ne’ebé hala’o atividade Testu no Demonstrasaun iha To’os (OFDTs) no mos husi Agricultural Land Geographical Information System (ALGIS) ne’ebé iha MAP. Dadus ne’ebé aprezenta iha ne’e núdar dadus ne’ebé mai husi fatin ne’ebé lokaliza razoavél besik sentru peskiza boot no reprezenta kondisaun udan been husi fatin ne’ebé halo atividade peskiza agronómiku durante tempu udan tinan 2010/2011. Sentru peskiza prinsipál mak Kinta Portugal (Aileu); Betano (Manufahi); Urulefa (Maubisse, Ainaro); Loes (Liquiça) no Darasula (Baucau), udan been ne’ebé husi Darasula foti husi Ostiko, Baucau). Peskiza mos halo ona iha Maliana (Bobonaro), Maubara (Liquiça) no iha fatin ho altitude aas hanesan iha Venilale (Baucau) no iha Viqueque ne’ebé udan been rekolla ba. Udan been ba fatin hirak ne’e aprezenta no deskreve ba tinan 2010/2011. Komparasaun halo ho médiu tempu naruk husi dadus ne’ebé rekolla durante tempu Portugueza.

Dadus udan been husi fatin ne’ebé hili

Timor-Leste hetan esperiénsia udan been aas durante tempu bailoro tinan 2010. Udan been ne’ebé aas liu normal hatudu iha komparasaun udan been husi fatin OFDTs hotu-hotu ne’ebé aprezenta iha Figura 2 iha Relatóriu Peskiza Anuál SoL, 2010). Hanesan rezultadu husi udan been ne’ebé naruk, halo agrikultór sira labele atu sunu sira-nia to’os no kuda batar. Levantamentu ne’ebé halo husi FAO/MAP hatudu katak produsaun batar ne’ebé koileta husi (inísiu) 2011 mak 80% ne’ebé menus husi médiu. Ida ne’e akontese tanba asosiadu ho menus area ne’ebé kuda no produsaun tún. Agrikultór sira iha tendénsia atu hamenus kuda batar no kuda fali ho fehuk midar no ai-han isin (umbi-umbian) sira seluk. Udan been aas liu ne’ebé akontese iha tempu bailoro ikus liu mak hatudu momos iha parte Leste husi teritóriu tomak.



Iha fatin peskiza Kinta Portugal udan been kuaze aas liu médiu iha inísiu tempu udan exceitu (kecuali) ba fulan Agostu deit (Figura 2). Fulan ne’ebé udan been aas liu mak fulan Novembru kompara ho Dezembru maibe fulan sira seluk kuaze mantein tuir “médiu”.

Figura 2. Udan been (mm) iha Kinta Portugal, Aileu, 2010/2011



Iha Betano, parte kosta de súl distritu Manufahi, fulan tolu priméiru udan kuaze boot maibe wainhira tama los ona ba iha tempu udan loloos nia kuantidade kuaze besik ou menus husi médiu. Parte inísiu husi tempu bailoro tinan 2011 udan been kuaze liu husi médiu (Figura 3).

Figura 3. Udan been iha Betano, Manufahi, 2010/2011



Dadus udan been iha Maubisse tinan 2010/2011 hatudu katak iha tempu udan hahu udan been kuaze liu husi médiu iha ZAE hotu-hotu, maibe nia kondisaun tempu kuaze signifikamente maran antes bokon makaas iha Fevereiru ho Marsu (Figura 4). Tempu bailoro tinan 2011 kuaze hahu hanesan normal.

Figura 4. Udan been iha Maubisse, Ainaro, 2010/2011


Iha Maliana, fin de bailoro 2010 hetan udan been liu husi médiu maibe iha tempu udan loloos (Novembru – Marsu) udan been kuaze tuir médiu ou menus husi médiu. Periódu rai maran iha fulan Máiu – Jullu hatudu katak bailoro sei hetan udan been ne’ebé normal ou menus husi médiu (Figura 5).

Figura 5. Udan been iha Maliana, Bobonaro, 2010/2011



Hanesan ho distritu sira seluk iha parte kosta de norte, Liquiça kuaze maran iha fulan Agostu maibe hetan udan been iha últimu trimestre 2010 (inísiu tempu udan 2010/2011) hanesan mos iha Maubara ho Sentru Peskiza MAP iha Loes (Figura 6, Figura 7). Udan been fulan-fulan liu husi médiu durante tinan tomak nia laran iha Maubara to’o inísiu tempu udan durante tempu ne’ebé maran los (Figura 6). Iha parte oeste liu husi distritu ne’e hanesan iha Loes udan been iha fulan Janeiru partikularmente bokon/úmidu (Figura 7) maibe restante husi tinan tomak ne’e kuaze menus husi médiu. Hanesan iha Maubara, inísiu husi bailoro iha Loes mos kuaze derepenti deit.

Figura 6. Udan been iha Maubara, Liquiça, 2010/2011

Figura 7. Udan been iha Sentru Peskiza Loes, Liquiça, 2010/2011



Iha fulan Agostu iha parte oeste husi teritóriu iha kosta de norte mos kuaze maran (Figura 8). Iha Ostiko, Vemasse, Baucau udan been kontinua aas nafatin iha fulan hirak nia laran to’o ba iha fulan Máiu, 2011 durante tempu ne’ebé maran (Figura 8).

Figura 8. Udan been iha Ostiko, Vemasse, Baucau, 2010/2011



Udan been iha Venilale hanesan udan been ne’ebé ‘normal’ liu ona husi fatin hotu-hotu iha tinan 2010/2011 (Figura 9). Distribuisaun no udan been fulan-fulan kuaze hanesan ho médiu tempu naruk ho udan been menus iha inísiu tempu udan bokon/úmidu no mos iha nia fin.

Figura 9. Udan been iha Venilale, Baucau, 2010/2011



Aleinde kondisaun maran iha fulan Agostu, udan boot kontinua to’o fulan Novembru ne’ebé prevene agrikultór sira atu “sunu rai” para preparasaun ba kuda ai-horis rai maran durante tempu bokon/úmidu tinan 2010/2011. Udan been durante tempu kuda iha Viqueque (Figura 10) kuaze la klaru hanesan fatin sira seluk, mezmu nune’e ida ne’e bele espera liu husi ambiente ne’ebé hetan padraun udan been dalarua (bimodal rainfall) hanesan iha Viqueque.

Figura 10. Udan been iha Viqueque Villa, Viqueque, 2010/2011



Sumáriu udan been

Padraun udan been kompara ho méiu ne’ebé bele kompara ba kada fatin ne’ebé haktuir iha leten halo rezumu iha Figura 11. Naran husi ema ne’ebé rekolla dadus haktuir iha mapa nia laran. Fatin sanulu resin rua husi sanulu resin haat ne’ebé iha hetan esperiénsia kona ba bokon/úmidu makaas iha tempu kuda maibe espera ona tempu bailoro normal ba tinan 2011. Padraun udan been dalarua (epoka rua) jeralmente deskobre iha parte kosta de súl.


Figura 11. Sumáriu husi padraun udan been iha Timor-Leste durante tinan 2010/2011





  1. Baixar 9.05 Mb.

    Compartilhe com seus amigos:
1   2   3   4   5   6   7   8   9   ...   13




©bemvin.org 2020
enviar mensagem

    Página principal
Prefeitura municipal
santa catarina
Universidade federal
prefeitura municipal
pregão presencial
universidade federal
outras providências
processo seletivo
catarina prefeitura
minas gerais
secretaria municipal
CÂmara municipal
ensino fundamental
ensino médio
concurso público
catarina município
Dispõe sobre
reunião ordinária
Serviço público
câmara municipal
público federal
Processo seletivo
processo licitatório
educaçÃo universidade
seletivo simplificado
Secretaria municipal
sessão ordinária
ensino superior
Relatório técnico
Universidade estadual
Conselho municipal
técnico científico
direitos humanos
científico período
espírito santo
pregão eletrônico
Curriculum vitae
Sequência didática
Quarta feira
prefeito municipal
distrito federal
conselho municipal
língua portuguesa
nossa senhora
educaçÃo secretaria
segunda feira
Pregão presencial
recursos humanos
Terça feira
educaçÃO ciência
agricultura familiar