Hadi’a siguransa ai-han liu husi hasa’e produtividade ai-han prinsipál’



Baixar 9.05 Mb.
Página12/13
Encontro30.10.2016
Tamanho9.05 Mb.
1   ...   5   6   7   8   9   10   11   12   13

Peskiza Mudansa Klimátika


Sesaun ida ne’e deskuti kona ba situasaun siguransa ai-han atuál no sistema produsaun agríkula iha Timor-Leste, no haree tuir husi mudansa klimátika ne’ebé foin dadaun akontese no mos tuir predisaun husi populasaun sira (SoL 2011; Molyneux 2011, Molyneux et al, 2011), deskreve kona ba ambiente siguransa ai-han iha tempu oin mai ne’ebé estrapola iha artigu sientífiku ne’ebé disponível relasionadu ho mudansa klimátika iha Timor-Leste. Iha ne’e fornese análiza-klean ida kona ba situasaun siguransa ai-han no nutrisaun atuál no halo matadalan ida hodi kria planu para implementa intervensaun ne’ebé iha.

Rekomendasaun prinsipál mak:



  • Identifika no estabelese varidade ai-horis ne’ebé bele iha toleránsia ba mudansa klimátika

  • Hasa’e diversidade ai-horis hodi inklui leguminosa barak liu tan (tunis, ervilla, koto nani, koto surik no koto midar), no ai-han nutrisaun sira seluk no mos ai-han isin para bele aumenta siguransa ai-han.

  • Introdus/habelar terasering/Sloping Agricultural Land Technologies (SALT). Konservasaun ba to’os ne’ebé iha rai lolon ho adubu orgániku sei hadi’a rezultadu produsaun no hamenus erosaun, hadi’a retensaun bee iha rai laran, hadi’a estabilidade rai no aumenta rai nia klean.

  • Lehe ou lablab hanesan ai-horis ne’ebé kobre ou hanehan du’ut ne’ebé atu moris. Ida ne’e sei hadi’a rezultadu produsaun batar liu husi aumenta nitrogen. Hadi’a rai nia bokur sei aumenta konteúdu orgániku no mos hanehan du’ut ne’ebé moris.

  • Introdusaun adubu non-orgániku. Aplikasaun adubu non-orgániku sei aumenta produsaun husi agrikultór ho eskala ki’ik no fasilita sira hodi bele fa’an produsaun ne’ebé sira hetan liu iha merkadu. Aumenta agrikultór sira-nia rendimentu sei orienta ba aumenta disponibilidade ai-han ba komunidade sira.

  • Rai fini ho métodu diak sei hamenus ai-han ne’ebé lakon depois de koileta

  • Buka no haloot bee hodi hamenus rísku maran iha area ne’ebé fasil atu kona/fatin ne’ebé ho udan been la los.

Intervensaun prinsipál tenke foka ba mantein no harii fundasaun ba produsaun ai-horis – fini, rai, bee no loromatan. Adapta fini ne’ebé tahan ba mudansa klimátika sei haree liu husi komponente 1 uza informasaun kona ba temperatura no mudansa udan been ne’ebé hetan iha tinan 2010-2011 (SoL, 2011, Molyneux, 2011). Iha tempu oin mai tenke tau konsiderasaun kona ba mudansa klimátika iha prosesu identifikasaun no importasaun varidade foun SoL nian husi sentru peskiza varidade internasionál.

Loromatan kuaze konsistente husi tempu ba tempu ho relatóriu sientífiku sólidu uitoan ne’ebé produs predisaun ne’ebé bele uza ba mudansa UV no mudansa klimátika; mezmu nune’e rai ho bee prova ona influénsia negativu husi atividade umanu. Degradasaun rai no disponibilidade bee sai hanesan kestaun ne’ebé importante atu atinji númeru rezultadu produsaun/ha ne’ebé nesesáriu ba fó han populasaun agora. Tanba ne’e presiza intervensaun prinsipál ne’ebé foka ba rai nia bokur, nutrisaun no bee. Hadi’a rai liu husi hasa’e konteúdu orgániku no fíxa/hadi’a biolójiku husi nitrogen (ou insumu estérnu) núdar buat ne’ebé fundamentais ba sistema agríkula ne’ebé sustentável. Garante katak ne’e hanesan karbon ne’ebé difisil no mantein iha fatin liu husi hamenus erosaun no enkoraja atu akumula matéria orgániku ne’ebé esensiál tebes atu atinji produsaun ai-han ne’ebé aumenta iha foho Timor Leste. Garante bee disponível iha tempu krítiku durante tempu kuda sai hanesan instrumentu prinsipál para bele hasa’e produsaun iha tempu udan oin mai ne’ebé variável; ida ne’e mos fó insentivu ba agrikultór sira hodi investe liu tan iha insumu sira seluk ne’ebé kria síklu investimentu virtuozu no rekompensa.

Tendénsia atu hasa’e produsaun ai-horis sai hanesan asuntu ne’ebé importante. Espera mudansa klimátika bele hamenus output jerál iha area trópiku maizumenus to’o 10%. Hasa’e médiu produsaun tinan-tinan por exemplu to’o 20% sei bele rejolve defisiénsia ne’ebé iha no ajuda fó han populasaun ne’ebé barak liu tan. Mezmu nune’e, hasa’e médiu produsaun la konsidera tinan hirak ne’ebé mosu kondisaun maran no inundasaun ne’ebé halo ai-horis hotu-hotu falla, ou hanesan iha tinan 2010, labele kuda. Iha situasaun ida ne’e no hanesan regras jerál ba agrikultór subsisténsia importante tebes atu iha diversidade ai-horis no kultivar.

Iha kapasidade atu kuda ai-horis oioin ou hili espesies ne’ebé mak atu kuda depende ba udan been sei fasilita agrikultór sira atu adapta ho produsaun iha tinan partikulár ho situasaun mudansa klimátika partikulár, maibe mos iha rede produsaun ne’ebé siguru iha eventu ai-horis balun falla. Fehuk midar ho ai-farina agora dadaun sai hanesan ai-han prinsipál no ai-han urjénsia, enkuantu talas, kumbili ho akar sei konsumi mos wainhira laiha tan ona ai-han seluk atu konsumi. Enkuantu ai-han hirak ne’e esensiál tebes hodi fornese kalóriu no nutrisaun báziku durante ‘tempu rai hamlaha’, hirak ne’e kuaze menus iha mikro-nutrientes no proteína no konsumi ai-han hirak ne’e hamenus uitoan deit insidente gastus ne’ebé iha. Hadi’a opsaun no valor nutrisaun husi ai-horis hirak ne’e no ai-horis urjénsia seluk importante tebes hodi hamenus nutrisaun ne’ebé makaas iha foho ne’ebé dalabarak ema konsumi ai-han hirak ne’e. Aumenta kultivasaun no produsaun ai-han isin (umbi) hirak ne’e sei hadi’a ai-han loroloron no espesifikamente kompozisaun proteína iha ema Timor nia ai-han durante tempu normal no mos tempu rai hamlaha. Prestasaun ba rezisténsia, toleránsia ba kondisaun maran, leguminosa (fore) hirak ne’ebé nia produsaun aas no kulturamente aseitavél hanesan tunis, lablabs no lehe tenke sai hanesan fokus prinsipál ba kualker estratéjia dezenvolvimentu siguransa nutrisaun.

Mapa agríkula tuir Suco

Mapa iha kraik produs liu husi uza dadus foun kona ba produsaun agríkula husi Suco idaidak ne’ebé fornese husi sensus tinan 2010 nian husi Diresaun Nasionál de Estatístika. Mapa ne’e la konklui informasaun absoluta, maibe uza persentajen husi agrikultór ne’ebé produs ai-horis ida ou ida seluk fó informasaun kona ba importánsia relativu husi kada ai-horis iha kada Suco.

Mapa ne’e fó informasaun kona ba batar, hare no kafe, ne’ebé sai hanesan ai-han prinsipál rua no ai-han ne’ebé bele fa’an iha Timor-Leste. Iha mos informasaun kona ba ai-farina no ai-fuan sira, no bele aumenta tan tuir presiza. Ho objetivu atu kompriende kona ba produsaun agríkula no nia dezafiu iha Timor-Leste, deside ona katak indikadór ida husi pubreza ekonómiku no indikadór ida kona ba besik ba infraestrutura sai hanesan benefísiu vizualizasaun ne’ebé atu uza hanesan baze ba objetivu planeamentu. Nune’e, iha mos mapa area ne’ebé populasaun nia médiu moris menus husi 80c por dia, no hanesan area ne’ebé besik ba iha infraestrutura/asisténsia governo nian, no asesu ba klíniku saude ne’ebé uza ona. Mezmu ida ne’e la fó indikasaun ne’ebé satisfas kapasidade Suco nian ou difikuldade iha asesu ba estrada ou atu lori sira-nia produtu ba merkadu, ida ne’e mak dadus ne’ebé disponível atu konsidera nia bareira ne’ebé iha no dalaruma iha benefísiu.

Mapa ne’ebé hatudu iha Figura 29 hatudu persentajen umakain iha Suco idaidak ne’ebé deklara sira-nia aan hanesan agrikultór. Area ho kór matak tuan iha Maliana to’o iha Liquiça, no to’o iha parte rai aas sentral hatudu kona ba persentajen aas liu husi agrikultór iha teritóriu ida ne’e nia laran.


Figura 29. Persentajen agrikultór iha Suco idaidak ne’ebé deklara sira-nia aan hanesan agrikultór (2010).


Figura 30 hatudu kona ba produsaun prinsipál ai-horis iha Suco idaidak, bazeia ba persentajen agrikultór ne’ebé kuda ai-horis idaidak iha Suco ne’e. Suco ne’ebé ho produtu rua iha 10% ba malu hetan avaliasaun dúpla/ganda.

Figura 30. Persentajen agrikultór ne’ebé deklara katak sira kuda ai-horis


Figura 31 fasilita vizualizasaun kona ba diferensa iha produsaun batar iha Suco tomak iha Timor-Leste. Suco ho kór kinur hatudu 100% agrikultór produs batar, enkuantu matak tuan hatudu agrikultór menus husi 10% mak kuda batar. Padraun ida ne’e hatudu produsaun batar makaas liu iha area ho elevasaun natón to’o aas liu to’o ba iha parte oeste husi teritóriu ida ne’e.

Figura 31. Persentajen agrikultór ne’ebé kuda batar, 2010



Produsaun kafe iha Timor-Leste aprezenta hanesan persentajen agrikultór tuir Suco iha Figura 32. Densidade aas husi korkafe tuan iha elevasaun natón rejiaun sentral (Ermera, Ainaro, Covalima ho Aileu) no kór nurak to’o ba iha elevasaun aas liu mak foho Ramelau ne’ebé hatudu temperatura oioin husi kafe ne’ebé kuda iha Timor-Leste no hetan mudansa wainhira temperatura aumenta.

Figura 32. Persentajen agrikultór ne’ebé kuda kafe, 2010



Distribuisaun hare hatudu iha Figura 33 hatudu fatin tolu ba persentajen agrikultór ne’ebé kuda hare, fatin hirak ne’e mak; sub distritu Venilale iha Baucau, sub-distritu Cailaco iha Bobonaro (no Suco sira ne’ebé besik iha ne’eba), no iha distritu Oecusse tomak (maioria hare kuda iha Oecusse mak hare rai maran. Iha mos Suco balun iha Natabora iha parte do súl ne’ebé persentajen aas husi umakain mak involve iha produsaun hare, no area seluk mak iha Luro, distritu Lautem ne’ebé produsaun hare ho persentajen aas. Seidauk klaru karik produsaun hare ne’e mak hare irigasaun ka hare rai maran husi kualker dadus ne’ebé rekolla husi teritóriu tomak.

Figura 33. Persentajen agrikultór ne’ebé kuda hare, 2010

Mapa ida ne’e ajuda análiza produsaun no konsumi ai-han iha suco. Wainhira rezultadu produsaun ai-horis disponível kada epoka maka iha mos posibilidade atu halo mapa kona ba area hirak ne’ebé mak fó produsaun menus no mos hirak ne’ebé mak fó produsaun aas, no ajuda planeadór sira atu foka ba asuntu hirak ne’e.




  1. Baixar 9.05 Mb.

    Compartilhe com seus amigos:
1   ...   5   6   7   8   9   10   11   12   13




©bemvin.org 2020
enviar mensagem

    Página principal
Prefeitura municipal
santa catarina
Universidade federal
prefeitura municipal
pregão presencial
universidade federal
outras providências
processo seletivo
catarina prefeitura
minas gerais
secretaria municipal
CÂmara municipal
ensino fundamental
ensino médio
concurso público
catarina município
Dispõe sobre
reunião ordinária
Serviço público
câmara municipal
público federal
Processo seletivo
processo licitatório
educaçÃo universidade
seletivo simplificado
Secretaria municipal
sessão ordinária
ensino superior
Relatório técnico
Universidade estadual
Conselho municipal
técnico científico
direitos humanos
científico período
espírito santo
pregão eletrônico
Curriculum vitae
Sequência didática
Quarta feira
prefeito municipal
distrito federal
conselho municipal
língua portuguesa
nossa senhora
educaçÃo secretaria
segunda feira
Pregão presencial
recursos humanos
Terça feira
educaçÃO ciência
agricultura familiar